Qaraǵandylyq eriktiler 105 otbasyna azyq-túlik sebetin taratty

QARAǴANDY. QazAqparat - Qazaqstan halqynyń birligi kúni Saryarqa Jastary oblystyq shtabynyń eriktileri Qaraǵandyda 10 otbasyna azyq-túlik sebetterin taratqanyn atap ótti. Osyndaı kómek oblys boıynsha 105 otbasyna kórsetildi, dep habarlaıdy QazAqparat tilshisi.

«TJ engizilgen sátten bastap bizdiń eriktiler muqtajdarǵa kómek kórsetýde. 7 sáýirden bastap óńirde eriktiler men jeke kásipkerlerdiń qatysýymen 391 aktsııa uıymdastyryldy. Naýqan aıasynda tabysy tómen kópbalaly otbasylarǵa, jalǵyz basty qart adamdarǵa, múgedekterge jáne 167 muqtaj otbasyna áleýmettik sebetter taratyldy», - deıdi Qaraǵandy oblysynyń jastar resýrstyq ortalyǵy janyndaǵy Saryarqa jastary oblystyq eriktiler shtabynyń jetekshisi Marǵulan Tuıaqov.

Onyń aıtýynsha, 7-30 sáýir aralyǵynda shtabqa 1 264 qońyraý kelip túsken. Karantındik rejım bastalǵannan beri eriktiler 224 otbasyna azyq-túlik, dári-dármek jetkizip, kommýnaldyq qyzmet aqysyn tóleýge kómek kórsetti.

«Bıznes-qurylymdar men fermerler azyq-túlikpen jáne qarjylaı belsendi túrde kómek kórsetýde. Biz barlyǵyna kórsetken kómegi úshin alǵys aıtamyz. Barlyqtaryńyzdy osy tamasha merekemen quttyqtaımyz. Densaýlyq, isterine tabys, elimizdiń órkendeýine tilektespiz. Biz barlyǵyn birge jeńemiz», - dep atap ótti Marǵulan Tuıaqov.