Qaraǵandylyq ardagerge tıesili medal 71 jyldan soń urpaqtaryna tabystaldy
Medaldi Reseı Federatsııasynyń Qazaqstandaǵy elshiligi batyrdyń urpaqtaryna tabystady, dep habarlaıdy 24.kz.
Ábdiǵalı Isın 1943 jyly Qyrǵyzstannyń Osh qalasyndaǵy artıllerıst-mınometshilerdi daıyndaıtyn ýchılışege alynady. Onda 4 aıdaı oqý-jattyǵýdan ótip, birden 4-shi Ýkraın maıdanyna attanady. Chehoslovakııa elindegi Nıtra qalasynyń túbindegi shaıqasta qorshaýdy buzyp ótý kezinde erlik kórsetedi. Biraq aýyr jaralanady. Eki aı emdelip shyqqan soń «Erligi úshin» medaline usynylady. Alaıda marapat ıesine ýaqytynda jetpeı qalady. Ábdiǵalı aqsaqal soǵystan soń elge oralyp, Qaraǵandy oblysy Abaı aýdanyna qarasty Jumabek aýylynda uzaq jyldar boıy qyzmet etedi. Birneshe ordender men alǵys hattar alady. Qart maıdanger 1994 jyly dúnıe salady. Keıin artynda qalǵan urpaqtary ákesine tıesili marapatqa izdeý salady.
«Osy marapatty ala almaı kettim» dep armandap ketti. Ákemizdiń jazbaǵan jeri joq. Máskeýge, barlyǵyna jazdy. Biraq soǵys jyldary mashına jarylyp, sondaǵy qujattardyń barlyǵy órtenip ketti degen habar keldi. Sol kezdegi armanda ketkeni oryndalyp otyrǵanyna biz erekshe qýanyp otyrmyz. Óıtkeni marapat ıesin tapty»,-deıdi Ábdiǵalı Isınniń qyzy Venera.