Qaraǵandylyq 100 dombyrashy mýzykalyq chellendjdi qoldady

QARAǴANDY. QazAqparat – N.V. Gogol atyndaǵy Qaraǵandy ámbebap ǵylymı kitaphanasy Instagram-da tikeleı efırde «Sal dombyra, Saryarqa» chellendjiniń qorytyndysyn shyǵardy, dep habarlaıdy QazAqparat.

Baıqaý 28 maýsym men 3 shilde aralyǵynda ótti jáne Ulttyq dombyra kúnine arnaldy.

100-den astam dombyrashy chellendjdi qabyldap, kúı, terme, jyr jáne basqa da mýzykalyq shyǵarmalardy óz aspaptarynda oryndady. Qarqaraly, Nura, Buqar jyraý, Shet, Ulytaý aýdandarynan, Balqash jáne Qaraǵandy qalalary men Topar aýylynan dombyra sheberleri qatysty. Qatysýshylardyń eń kishisi 8 jasta, al úlkeni 65-te.

Chellendjdi tanymal kúıshiler men dástúrli ánshiler qoldady. Atap aıtqanda, QR Kúıshiler odaǵy fılıalynyń jetekshisi Madııar Súleımenov, Qalı Baıjanov atyndaǵy Qaraǵandy kontserttik birlestiginiń mýzykanttary Medet Osataev pen Dáýrenbek Arkenov beınejazba túsirdi.

Nátıjesinde qazylar alqasy 70 úzdik oryndaýshyny tańdap aldy. Osy aıda olardyń barlyǵy kitaphananyń áleýmettik jelilerdegi paraqshalarynda jarııalanady.

Eske sala keteıik, Dombyra kúni Qazaqstanda 2018 jyldan bastap shildeniń birinshi jeksenbisinde atalyp ótedi.