Qaraǵandydan qostanaılyqtarǵa gýmanıtarlyq kómektiń alǵashqy partııasy jóneltildi

QARAǴANDY. QazAqparat - Qaraǵandy oblysynyń barlyq qalalary men aýdandarynda Qostanaı óńirinde orman órtterinen zardap shekkenderge kómek jınap jatyr. Búgin gýmanıtarlyq júk tıelgen eki kólik jóneltildi, dep habarlaıdy QazAqparat tilshisi.

Gýmanıtarlyq kómektiń alǵashqy partııasyna azyq-túlik, jeke gıgıena zattary, dári-dármekter, kıim-keshek jánetaǵy da basqa zattar kiredi.

Kómek qabyldaý pýnktterin Amanat partııasynyń barlyq fılıaldary, sondaı-aq óńirlik kásipkerler palatasy men Dostyq úıi ashty. Kómekti kásipkerler, qoǵam qaıratkerleri, óńirdiń etnomádenı birlestikteri kórsetýde.

«Keshe, 4 qyrkúıekte, órtten zardap shekkenderge kómek kórsetý shtaby Qaraǵandy oblysyndaǵy Amanat partııasynyń barlyq fılıaldarynda tańǵy 9-dan bastap ashyldy. Aqparat birden taraı bastady. Kásipkerler, partııalyqtar jáne qarapaıym janashyr adamdar óz úlesterin qosty. Olar qońyraý shalyp, kómekterin usynyp jatyr», - deıdi «Jastar rýhy» Qaraǵandy oblystyq fılıalynyń tóraǵasy Erjan Hamıtov.

Sondaı-aq búgin gýmanıtarlyq kómek qalalar men aýdandardan jetkizilip, zardap shekkenderge jiberý úshin dereý júk kólikterine tıeledi.

Qaraǵandylyqtar qajetti zattar jınaýmen shektelmeıdi. Qoǵamshyldar ashqan biryńǵaı qorǵa aqshalaı kómek te jınalady.