Qaraǵandydan bir táýlikte 12 myń tekshe metrden astam qar shyǵaryldy

QARAǴANDY. QazAqparat – Qaraǵandyda qar tazalaý jumystary táýlik boıy júrgizilýde. Qalanyń kommýnaldyq qyzmetteri kúsheıtilgen jumys rejımine kóshilirdi. Sońǵy táýlikte shahardan 12 myń tekshe metrden astam qar shyǵaryldy, dep habarlaıdy QazAqparat tilshisi.

Kesheden beri Qaraǵandydatolassyz qar jaýyp jatyr. Osyǵan baılanysty qalanyń kommýnaldyq qyzmetteri táýlik boıy jumys rejımine kóshti.

«Aýa-raıy óz erejelerin ornatýda, al biz jumysty jalǵastyryp jatyrmyz. Búginde qardy tazartý úshin barlyq tehnıka men jol jumysshylary jumyldyryldy. Táýlik boıy tazalaý, qar shyǵarý, joldarǵa qum sebýdi toqtatpaı jasap jatyrmyz Biz ádettegideı táýlik boıy jumys isteımiz», - deıdi qala ákimi Meıram Kojýhov.

Qala ákimdiginde jumystar kezeń-kezeńimen júrgizilip jatqanyn málimdedi. Birinshiden, tehnıka joldar men trotýarlardan qardy sypyrady. Sodan keıin qar úıindileri tazalanyp, qalanyń syrtyna shyǵarylady.

Bul jumystar úshin Á.Bókeıhan aýdanynda 68 jol jumysshysy men 75 arnaıy tehnıka jumyldyryldy. Bir táýlikte 2670 m3 qar shyǵaryldy.

Qazbek bı aýdanynda qar tazalaý úshin 164 birlik tehnıka men 127 jumysshy tartyldy. Ótken táýlikte shamamen 9763.32 m3 qar shyǵaryldy. Aýdan aýmaǵynda bes merdiger uıym jumys isteıdi.

Birinshi kezekte olar avtobýs marshrýttary ótetin negizgi magıstraldardy qardan tazartady, qoǵamdyq kólik kiretin aıaldama qaltalaryn, trotýarlardy, jaıaý júrginshiler ótkelderin jáne t.b. tazalaıdy.