Qaraǵandydaǵy jármeńkede 135 myń tonna aýyl sharýashylyǵy ónimderi qoıyldy

QARAǴANDY. QazAqparat - Qaraǵandyda QR Tuńǵysh Prezıdenti kúni qarsańynda aýyl sharýashylyǵy jármeńkesi ótti, dep habarlaıdy «QazAqparat» HAA tilshisi oblys ákiminiń baspasóz qyzmetine silteme jasap.

«Alǵash ret aýylsharýashylyq jármeńkesi jabyq keńistikte - jańa «Saryarqa» azyq-túlik sýpermarketiniń aýmaǵynda ótti. Qaraǵandy oblystyq aýyl sharýashylyǵy basqarmasynyń málimdeýinshe, jármeńkege 8 aýdannyń sharýalary qatysqan. Onda bazardaǵy baǵadan 15-20% tómen somada 135,4 tonna aýylsharýashylyq ónimderi qoıyldy», - delingen habarlamada.

Uıymdastyrýshylardyń derekkózine súıensek, jármeńkede 51 tonnaǵa jýyq et, 6 tonnadan astam balyq, 41 tonna kókónis pen kartop, 7,2 tonna sút ónimderi, 50 dana taýyq jumyrtqasy satylǵan.

Jármeńkege Qaraǵandy oblysynyń ákimi Nurmuhambet Ábdibekov kelgen. Óńir basshysy mal zerthanasynyń jumysymen tanysyp, et-sút ónimderiniń qaýipsizdigin jiti baqylaýdy tapsyrdy. Atalmysh sýpermarkertte QR Táýelsizdigi kúni qarsańynda aýylsharýashylyq jármeńkesin ótkizý josparlanǵan.