Qaraǵandydaǵy saılaý ýchaskesine eki «aıý» daýys berýge keldi

QARAǴANDY. QazAqparat – Qaraǵandyda saılaý ýchaskesine eki «aıý» kelip, daýys bermek boldy. Alaıda olarǵa ondaı múmkindi berilmedi, dep habarlaıdy QazAqparat tilshisi.

Qaraǵandy qalasynyń №36 saılaý ýchaskesiniń múshelerin erekshe saılaýshylar tańqaldyrdy. Eki azamat aıýlar kostıýmin kıip, óz tańdaýlaryn jasamaq bolǵan. Alaıda, olarǵa saılaýǵa qatysýǵa ruqsat etilmedi.

Onyń sebebin qalalyq saılaý komıssııasynda túsindirdi.

«Daýys berý úshin saılaýshy qujatty usynýǵa mindetti, biraq aıýlar betperdesin sheshpedi. Sondyqtan saılaý komıssııasynyń músheleri olarǵa bıýlletender bere almady, sebebi usynylǵan qujattar boıynsha olardyń jeke basyn anyqtaý qıyn boldy. Bul zańǵa qaıshy bolǵandyqtan jáne baıqaýshylar tarapynan narazylyqtar týdyrýy múmkin bolǵandyqtan olardy ótkize almadyq», - dedi saılaý komıssııasynyń tóraǵasy Arıstotel Isaǵulov.