Qaraǵandydaǵy saılaý ýchaskelerinde Gennadıı Golovkın - Stıv Rolls aıqasy kórsetildi

QARAǴANDY. QazAqparat - Qaraǵandylyq boksshy men kanadalyq Stıvom Rollstyń jekpe-jegin kenshiler shaharynda saılaý ýchaskelerinde kórsetti. Bylǵary qolǵap sheberleri kezdesýiniń kórsetilimi daýys berý ótkizilgen birneshe jalpy bilim beretin mektepterde uıymdastyryldy, dep xabarlaıdy QazAqparat tilshisi.

Gennadıı Golovkınniń jekpe-jegi úlken ekranda birinshi bolyp Maıqudyq shaǵynaýdanyndaǵy boksshy oqyǵan №65 mektepte kórsetildi. Sport zalynda eki úlken ekran ornatyldy, al qabyrǵalar sportshyǵa izgi tilekter jazylǵan plakattarmen bezendirildi.

-Bul bizdiń mektebimizdiń oqýshylary men daýys beretin olardyń ata-analary úshin jasalǵan shara. Biz saılaýǵa kelgender kúresti tamashalaýǵa da nıet bildirer dep sheshtik. Elimizdiń bolashaq prezıdenti úshin daýys bergennen keıin kóptegen adamdar súıikti boksshysyna qoldaý kórsetý úshin sport zalynda qaldy, - dedi №65 mekteptiń dırektory Nurbol Kúnedilov.

Jerlesimizdiń qatysýymen ótken jekpe-jekti kórýge tek saılaýshylar ǵana emes, sonymen qatar mektep oqýshylary da jınaldy. Olar tipti qoldan jasalǵan bannerler daıyndaǵan eken.

- Men osynda daýys berýge keldim,munda jekpe-jek kórsetiletinin bildim. Maǵan úlken ekranda, bir top jankúıerlermen birge Golovkınniń shaıqasyn tamashalaý unady. Meniń oıymsha, bul jerde jerlesimizge qoldaý kórsetý jaqsy ıdeıa. Bul patrıottyq rýhty kóteredi, - dedi 14-shi shaǵynaýdannyń turǵyny Esenbaı Razaqov.

Qaraǵandy oblysynda 938 myń saılaýshy bar. Olar úshin 787 saılaý ýchaskesi jumys isteıdi.