Qaraǵandydaǵy kómir shahtasynda zardap shekkenderdiń arasynda eki adam jansaqtaý bóliminde jatyr

KARAǴANDY. QazAqparat – Búgin Qaraǵandy oblysyndaǵy kómir shahtasyndaǵy órt kezinde zardap shegip, aýrýhanaǵa jatqyzylǵan 8 adamnyń ekeýi jansaqtaý bóliminde jatyr, dep habarlaıdy QazAqparat oblystyń densaýlyq saqtaý basqarmasyna silteme jasap.

«Maqajanov atyndaǵy klınıkaǵa 8 shahter jetkizildi. Olardyń ekeýi jansaqtaý bóliminde jatyr, esin biledi, alaıda, jaǵdaılary aýyr dese bolady. 6 adam toksıkologııa bóliminde jatyr. Olardyń jaǵdaıy ortasha aýyr»,-dedi oblystyq densaýlyq saqtaý basqarmasynyń ókilderi.

Aıta keteıik, búgin, 17 tamyz kúni saǵat 10:05-te «Qazaqstan» shahtasynda D6 kómir eńisin ıgerý barysynda konveıerlik taspa órtendi. Apatty joıý jospary engizildi.

Shahtada 227 adam bolǵan, olardyń 182-si evakýatsııalanyp, 45 adam shahtada qalyp qoıdy.

Keıinirek 222 adamnyń evakýatsııalanǵany habarlandy. Qaýipsiz jerge shyǵarylǵan 13 adam bas aýrýy men jótelge shaǵyndanǵan. Al 5 adamnyń taǵdyry belgisiz edi.

Keıinirek habarsyz ketken eki kenshiniń tabylǵany habarlandy.

Keıinirek shahtada japa shekkenderdiń sany 8 adamǵa jetkeni habarlandy.

Qaraǵandy oblysyndaǵy shahtadaǵy órtke baılanysty qylmystyq is qozǵaldy.