Qaraǵandydaǵy «Fıtohımııa» holdınginiń botanıkalyq baǵy erekshe qorǵalatyn aýmaq qataryna enedi

ASTANA. QazAqparat – Elimizdegi erekshe qorǵalatyn aýmaqtar qatary taǵy bir obektimen tolyǵýy múmkin, dep habarlaıdy QazAqparat tilshisi.

Ashyq NQA portalynda jarııalanǵan «Erekshe qorǵalatyn aýmaqtar týraly» Úkimet qaýlysynyń mazmuny 67-1 jolymen tolyqqan. ıAǵnı, onda endi Qaraǵandy qalasyndaǵy Ǵylym jáne joǵary bilim mınıstrligine qarasty «Fıtohımııa» halyqaralyq ǵylymı-óndiristik holdınginiń botanıkalyq baǵy aıryqsha qorǵalatyny jazylǵan.

«Jobanyń maqsaty – endemıkalyq, sırek kezdesetin jáne joıylyp ketý qaýpi bar ósimdik túrleriniń kollektsııasyn jasaý, olardy farmakognostıkalyq jáne ontogenetıkalyq zertteý úshin «Fıtohımııa» halyqaralyq ǵylymı-óndiristik holdıngi» AQ-nyń jalpy aýdany 25,7 ga jer ýchaskelerin respýblıkalyq mańyzy bar erekshe qorǵalatyn tabıǵı aýmaqtar tizbesine engizý», - dep túsindirme berilgen qaýlyǵa.

Qujat 29 maýsymǵa deıin kópshilik talqylaýda bolady. Keıin qol qoıý úshin Premer-Mınıstrge joldanady.