Qaraǵandyda jylymaı otyrǵan úıler: Jylýmen jabdyqtaý temperatýrasy kóterildi
Negizgi problemalyq aımaqtar Suryptaý jáne Fedorovka shaǵynaýdandary bolatyn. Biraq búgingi kúni osy aýdandardaǵy jylýmen jabdyqtaý júıesi birtindep belgilengen rejımge ótýde.
«Teplotranzıt Karaganda» JShS habarlaǵandaı, 7 qańtarda Orlov kóshesine jylý berý 68°C, al ıÝbıleınaıa kóshesine 65°C qurady.
Suryptaýda jylý temperatýrasy 6 qańtarda 62°C, al 7 qańtarda 71°C boldy.
Kompanııa jaqyn arada úı ishindegi temperatýra qalypqa kelýi kerek dep ýáde beredi.
Búgingi kúni JEO-1-de temperatýralyq kestege sáıkes 105°C belgelengen, is júzinde ol 101°C qurap otyr.
JEO-3 eki kezek boıynsha 115°S, is júzinde birinshi kezek boıynsha 97°C, ekinshi kezek boıynsha 108°C berilgen.
Aıta ketý kerek, Elektr stantsııalary men jelilerin tehnıkalyq paıdalaný erejelerine sáıkes, jetkizý qubyryndaǵy temperatýranyń ± 3% aýytqýyna jol beriledi.
Sondaı-aq, «Teplotranzıt Karaganda» JShS syrtqy aýanyń naqty temperatýrasy jáne úı-jaı ishindegi temperatýra boıynsha qyzmetterdiń qunyn qaıta esepteý qaǵıdalaryna sáıkes jylytý úshin qaıta esepteý júrgiziletinin habarlaıdy.
PIK tóraǵalary nemese úı boıynsha jaýaptylar elevator toraptaryndaǵy parametrlerdi kórsetilgen telefon nómiri boıynsha habarlaı alady:
79-22-87 Qala
31-87-95 Ońtústik-Shyǵys
78-10-98 Prıshahtınsk
37-47-90 Maıqudyq, Suryptaý.
Qaıta esepteý berilgen parametrlerge sáıkes júrgiziledi. Sondaı-aq, qaraǵandylyqtar turǵyn úı ishindegi temperatýra týraly da málimet bere alady.
PIK nemese KSÝ joq úılerde turǵyndar páterlerdegi temperatýrany WhatsApp nómirine ózderi beredi: 8-775-644-10-70 (baspasóz qyzmeti). Qaıta esepteý páterlerdegi temperatýra 21°C bolǵansha barlyq kúnderge júrgiziledi.
Qaraǵandy ákimdigi qalany jylýmen qamtý sapasy týraly máseleni baqylaýda ustap otyr.