Qaraǵandyda jylý sapasyn qalaı jaqsartpaq
Oblys ákimi Ermaǵanbet Bólekpaev oblys ortalyǵyn aralaý kezinde jylýmen jabdyqtaýdy jaqsartý úshin qandandaı jumystsr atqarylyp jatqanyn tekserdi.
Birinshi núkte JEO-3 janyndaǵy jylý magıstraliniń ýchaskesi boldy.
«Jylytý maýsymynda munda tutynýshylardyń jylýmen jabdyqtaý sapasyna áser etetin birneshe aqaýlar boldy. Bıylǵy jyly bıýdjetten Birinshi ýchaskege qarajat bólindi. Joba kezeń-kezeńimen júzege asyrylady. Qubyrdyń dıametri jylýdyń kóbirek ótýi úshin ulǵaıtylady», – dedi Qaraǵandy qalasynyń kommýnaldyq sharýashylyq, jolaýshylar kóligi jáne avtomobıl joldary bólimi basshysynyń orynbasary Rústem Qojaqapanov.
Onyń aıtýynsha, qazir merdigerdi tańdaý boıynsha konkýrs júrip jatyr. Osydan keıin olar birden jumysqa kirisedi.
Sondaı-aq, Qaraǵandyda kezeń-kezeńimen M10 jylý magıstrali qaıta jańartylady. Bul Ońtústik-Shyǵys tutynýshylaryna sapaly jáne úzdiksiz jylý beredi jáne jańa ǵımarattardy qosý úshin rezervti qamtamasyz etedi.
Sonymen qatar, Prıshahtınsk jylý jelileri jańǵyrtylýda. Ermaǵanbet Bólekpaevqa uzyndyǵy 22 shaqyrymdy quraıtyn úshinshi jylý qubyrynyń qurylysy týraly baıandaldy. Búgingi tańda eki jolaqpen shamamen 14 km qubyr tóselip, tórt sorǵy stantsııasynyń qańqalary turǵyzyldy.
«NS Sıstema» JShS bas ınjeneri Sergeı Frıktiń aıtýynsha, jumystar keste boıynsha júrgizilýde, alty dánekerleý brıgadasy men 52 arnaıy tehnıka jumyldyryldy. Osy jyly sorǵy stantsııalary men olardy ózara baılanystyratyn qubyrlardyń qurylysyn aıaqtaý josparlanýda. Qubyrlardy tóseý jalǵasady.
«Bul óte mańyzdy joba. Jańa ǵımarattardy jylýǵa qosý úshin bolashaqta qor qamtamasyz etý qajet. Eń bastysy – jumystyń sapasy, sondyqtan baqylaý turaqty bolady», – dep atap ótti Ermaǵanbet Bólekpaev.
Qalada sonymen qatar vandalǵa qarsy jergilikti materıaldy qoldana otyryp, magıstraldyq qubyrlar oqshaýlanýda. Bul qazirdiń ózinde jylý shyǵynyn azaıtty. Oblys ákimine bıyl josparlanǵan 76,2 shaqyrym tolyǵymen aıaqtalatynyn habarlady.
Óńir basshysy oramishilik jelilerdi oqshaýlaýmen aınalysýdy tapsyrdy.