Qaraǵandyda jumyssyzdar sany azaıdy

QARAǴANDY. QazAqparat - Qaraǵandy oblysyndaǵy jumyssyzdyq deńgeıin bıylǵy jyldyń úsh aı aralyǵynda 0,2 paıyzǵa tómendedi, dep habarlaıdy QazAqparat tilshisi.

Óńirdegi jumyssyzdyq deńgeıiniń tómendeýi jaıly Aımaqtyq kommýnıkatsııalar qyzmetniń brıfıngi barysynda Qaraǵandy oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshysy Ásem Júnispekova málimdedi.

- Osy jyldyń basynda jumyspen qamtý pýnktteri ashylǵan bolatyn. Onda kez kelgen adam jumyspen qamtý nemese óz isin ashý boıynsha keńes ala alady. Búgingi tańda 11 pýnkt jumys isteýde. Olardyń barlyǵy bir tereze qaǵıdasy boıynsha júmys isteıdi - bir mezgilde memlekettik qyzmetter jáne Kásipkerler palatasynyń mamandarynan keńes alady, - dep málimdedi Ásem Júnispekova.

Onyń aıtýynsha, jumyspen qamtý pýnktileri ózderiniń tıimdiligin kórsetip otyr. Az ýaqyt aralyǵynda bul beketterge 1966 adam kelgen. Buǵan qosa, qalalar men aýdandarda jyljymaly Jumyspen qamtý pýnktileri uıymdastyrylǵan.

Sondaı-aq oblysta bos jumys oryndarynyń 95 jármeńkesi ótti. Oǵan 1522 jumys berýshi qatysty. Jármeńkelerde 24 656 bos jumys orny usynylǵan.

- Bul sharalardyń barlyǵy bizge jumyssyzdyq deńgeıin qysqartýǵa múmkindik berdi. Ótken jyldyń osy merzimimen salystyrǵanda ol kórsetkish 0,2% tómendedi jáne búgingi tańda 4,5% qurap otyr, - deıdi Qaraǵandy oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshysy Ásem Júnispekova.