Qaraǵandyda júk kóliginiń eki júrgizýshisi qaza tapty

QARAǴANDY. QazAqparat - Qaraǵandyda jóndeý barysynda eki er adam júk kóliginiń astynda qalyp qoıdy. Júrgizýshiler sol jerde kóz jumdy, dep habarlaıdy QazAqparat tilshisi.

Qaıǵyly oqıǵa Qaraǵandy qalasynyń Bytovaıa kóshesindegi júk kóligi shına jóndeý ornynda bolǵan. Eki er adam kólikti jóndep, pnevmo jastyqshasyn aýystyryp jatqan. Abaısyzda kólik túsip ketip, júrgizýshilerdi basyp qalǵan. Ekeýi de sol jerde qaıtys boldy.

«20 naýryzda Qaraǵandyda Bytovaıa kóshesindegi júk kólikteriniń ashyq turaǵynda jóndeý jumysyn júrgizý kezinde eki er adam kóliktiń astynda qalyp qoıdy. Jedel járdem olardyń qaıtys bolǵanyn rastady», - dep habarlady Qaraǵandy oblysy TJD baspasóz qyzmeti.