Qaraǵandyda JRVI juqtyrǵan 128 myń adamnyń jartysynan kóbi - balalar
Aımaqtaǵy aǵymdaǵy epıdemıologııalyq jaǵdaı týraly óńirlik kommýnıkatsııalar qyzmetinde ótken brıfıngte oblystyń bas sanıtar dárigeri ıÝrıı Zalygın aıtyp berdi.
Ol turǵyndardy qoǵamdyq oryndarǵa múmkindiginshe az barýǵa, ózin-ózi emdemeýge shaqyrdy.
«Jyl saıyn qazannan sáýirge deıin JRVI jáne tumaýmen syrqattanýshylyqtyń maýsymdyq ósýi tirkeledi. Oblysta epıdemııaǵa qarsy jedel sharalar qabyldaý úshin halyqtyń syrqattaný jaǵdaıyna monıtorıng júrgiziledi. Osy jyldyń basynan JRVI boıynsha 128 774 ótinish tirkeldi. Syrqattardyń 53% - 14 jasqa deıingi balalar. Ótken jyldyń sáıkes kezeńimen salystyrǵanda syrqattanýdyń 35% óskeni baıqalady. Aǵymdaǵy epıdemıologııalyq maýsymnyń ereksheligi – tumaýdyń alǵashqy jaǵdaılary erte tirkelýinde», – dep atap ótti ıÝrıı Zalygın.
Sondaı-aq, epıdemıologııalyq maýsymnyń basynan beri oblysta 289 tumaý jaǵdaıy zerthanalyq túrde rastaldy. Onyń 32-si sońǵy aptada tirkelgen.
Tumaýdan basqa, aımaqta tumaýǵa uqsas vırýstar da tarady, sonymen qatar koronavırýs ınfektsııasynyń ósimi baıqalady.
Kúnine COVID-19 oń nátıje kórsetken 15-ke deıin jaǵdaı tirkeledi. Sońǵy aptada aldyńǵy jeti kúnmen salystyrǵanda aýrý 35% ósti.
«Taǵy da aldyn alý sharalaryn saqtaý kerektigin eske salǵym keledi. Adam kóp jınalatyn jerlerge, ásirese jabyq jerge barmaý, mundaı bólmede bir ret qoldanylatyn maska qoldaný, aýrý belgileri bar adamdarmen baılanysty shekteý, sonymen qatar qoldy sabynmen jıi jýý qajet, ásirese kósheden kelgende jáne qoǵamdyq kólikke mingen soń qoldy muqııat jýyńyz», – dep qosty ıÝrıı Zalygın.