Qaraǵandyda «Jomart júrek» syılyǵynyń jeńimpazdary marapattaldy

QARAǴANDY. QazAqparat – Qaraǵandyda týǵan ólkeni damytýǵa úles qosqan metsenattar men qaıyrymdy jandar marapattaldy, dep habarlaıdy QazAqparat.

Qaraǵandy qalasynyń ákimi Nurlan Áýbákirov «Jomart júrek» jalpy respýblıkalyq aktsııasynyń bir bóligi bolyp tabylatyn «Qaıyrymdylyq kýbogy» baıqaýynyń jeńimpazdaryn marapattady.

Laýreattar bes nomınatsııa boıynsha tańdaldy.

«Eren erligi» nomınatsııasy boıynsha «Klýb dobrıakov» jetekshisi Zara Shalabaeva jeńimpaz atandy. «Eurasia Building» JShS basqarma tóraǵasy Aıdos Mýhataev «Jyldyń úzdik uıymy» atalymynda úzdik boldy. «Jyl tulǵasy» nomınatsııasy boıynsha kýbokty «Hareket» qaıyrymdylyq qorynyń dırektory Aqtoty Júnisova aldy. Qoǵamdyq saraptaý keńesi «Jyl metsenaty» retinde kásipker, qalalyq máslıhattyń depýtaty Aıbek Jumabekovti tańdady. «Amanat Arena» sport kesheniniń dırektory Sáken Káribaev «Týǵan ólke» atalymynda marapatqa ıe boldy.

Qoǵamdyq sanany jańǵyrtý elimizdiń qazirgi jáne bolashaǵy úshin azamattyq jaýapkershiliksiz múmkin emes.

Qaraǵandy oblysy ákimdiginen atap ótkendeı, qaıyrymdylyq pen metsenattyq - osy protsestiń ajyramas bóligi. Kez kelgen órkenıetti qoǵamda bıznesmender óz eline kómek kórsetedi.
«Hareket» qaıyrymdylyq qory qurylǵannan beri 122 otbasyna turǵyn úı alýǵa kómektesken. Al «Amanat Arena» sport kesheninde múmkindigi shekteýli balalar tegin jattyǵady. «Eurasia Building» qurylys kompanııasy kópbalaly otbasylarǵa páter beredi.

Marapattaý rásimi Qaraǵandydaǵy Ortalyq saıabaqta QR Konstıtýtsııasy kúnine arnalǵan merekelik shara barysynda ótti.