Qaraǵandyda jaıaý áıeldi qaǵyp óltirgen ekskavator júrgizýshisi qashyp ketti
17:05, 29 Naýryz 2023
QARAǴANDY. QazAqparat - 29 naýryz kúni Qaraǵandy qalasynyń Magnıtogorsk kóshesindegi avtobýs aıaldamasynyń mańynda ekskavator jaıaý júrginshini qaǵyp ketti, dep habarlaıdy QazAqparat polıtsııaǵa silteme jasap.
Jol apatynan 62 jastaǵy áıel oqıǵa orynynda mert bolǵan.
Al ony qaǵyp ketken júrgizýshi ol jerden qashyp ketken. Atalǵan derek boıynsha qalalyq polıtsııanyń barlyq jeke quramyna baǵyttama berildi.
Jedel-izdestirý is-sharalary barysynda jaıaý júrginshini qaǵyp ketti degen kúdikpen 61 jastaǵy ekskavator júrgizýshisi ustaldy.
QR QK 345-baby 3-tarmaǵyna sáıkes qylmystyq is qozǵaldy.
Oqıǵanyń mán-jaıy anyqtalyp jatyr.