Qaraǵandyda zańsyz úı salyp jatqan taǵy eki qurylys kompanııasy jazalandy

QARAǴANDY. QazAqparat – Qaraǵandy oblysynyń memlekettik sáýlet-qurylys baqylaý basqarmasy kenshiler shaharynda taǵy eki turǵyn úı kesheniniń qurylysyn toqtatýdy surap otyr. Vedomstvonyń aıtýynsha, qurylys jumystary zańǵa saı júrip jatqan joq, dep habarlaıdy QazAqparat tilshisi.

Qaraǵandyda turǵyn úı keshenderin salatyn taǵy eki kompanııaǵa zań buzǵany úshin aıyppul salyndy.

Qurylysty toqtata turý úshin sotqa materıaldar joldandy.

«Zań boıynsha árbir qurylys salýshy bizge jumystyń bastalǵanyn habarlaýy kerek. Bul elektrondy úkimettiń veb-portaly arqyly onlaın jasalady. Negizgi másele - saraptama qorytyndysynyń joqtyǵynda. ıAǵnı, olar avtorlyq jáne tehnıkalyq qadaǵalaýsyz óz qalaýynsha salyp jatyr. Osyǵan baılanysty QR ÁQBtK 314, 1, 321 jáne 463-baptary, 1-bóligi, 1-bóligi boıynsha «KKK Beton» (Gapeev kóshesi, 4e) jáne «TalapStroıGrýpp» (Muqanov kóshesi, 41a-bet) qurylys kompanııalary ákimshilik jaýapkershilikke tartyldy. Materıaldar sotqa jiberildi», – dep habarlady Qaraǵandy oblysynyń memlekettik sáýlet-qurylys baqylaý basqarmasy.

Habarlandyrý tártibi buzylǵan jańa ǵımarattar monıtorıng arqyly anyqtalady, dep atap ótti vedomstvo. Bul jumys jalǵasady.

Eske sala keteıik, osyǵan deıin oblys ortalyǵynda jeti jańa ǵımarat boıynsha jumystar sot sheshimimen toqtatylǵan bolatyn.

Úleskerlerden aqsha tarta almaıtyn qurylys salýshylardyń «qara tizimi» jasalyp jatyr.