Qaraǵandyda zańsyz úı salǵan qurylys kompanııalarynyń «qara tizimi» jasaldy

QARAǴANDY. QazAqparat – Qaraǵandylyqtardy zańsyz salynyp jatqan turǵyn úı keshenderinen páter satyp alýda saq bolýǵa shaqyrady. Oblys ortalyǵynda jeti jańa ǵımarat boıynsha jumys sot sheshimimen toqtatyldy, taǵy úsheýiniń materıaldar qaralyp jatyr. Onyń barlyǵy jobanyń saraptamasynsyz salynǵan. Qazir úleskerlerdiń aqshasyn tarta almaıtyn qurylys kompanııalarynyń «qara tizimi» jasalyp jatyr, dep habarlaıdy QazAqparat.

Qaraǵandy oblysynyń memlekettik sáýlet-qurylys baqylaý basqarmasy qandaı turǵyn úı keshenderi zańsyz salynyp jatqanyn habarlady.

Bul tizimge myna nysandar kirdi:

- «Han» TK (Muqanov kóshesi, 19/2 ých.), qurylys salýshy – «Satti Lux Stroy» JShS;

- «Manhetten» TK (Táttimbet kóshesi, 10B z/ý), qurylys salýshy – «KapıtalStroı-XXI» JShS;

- «Al-Farabi» TK (Muqanov kóshesi, 55/2), qurylys salýshy – «Turan Invest Development» JShS;

- «Tomırıs» TK (067-shi eseptik oram, 502-shi qurylys), qurylys salýshy – «Turǵyn úı qory» JShS;

- «Baspana-3» TK (Muqanov kóshesi, 43/4), qurylys salýshy – «SMK Group» JShS;

- «Central Park» TK (Muqanov kóshesi, 9/3-shi qurylys), qurylys salýshy – «»MK Group«JShS;

- «Nura» TK (Muqanov kóshesi, 51,4 ýchaskesi), qurylys salýshy – «Satti Lux Stroy» JShS;

- KTÚ (Erjanov kóshesi, 63/2), qurylys salýshy – «Revival alliance» JShS;

- KTÚ (Rysqulov kóshesi, 5/3), qurylys salýshy – S. A. Esenbaev;

- TK (Ýnıversıtet kóshesi, 28/19), qurylys salýshy – «Sadu group» JShS.

«Jalpy, biz salynyp jatqan 60-qa jýyq úıdi baqylaýda ustap otyrmyz. Monıtorıng barysynda habarlaý tártibi buzylǵan on turǵyn úı kesheni anyqtaldy. Zań boıynsha árbir qurylys salýshy bizge qurylystyń bastalǵanyn habarlaýy kerek. Bul onlaın, elektrondy úkimettiń veb-portaly arqyly júzege asyrylady. Bar másele negizinen saraptama qorytyndysynyń joqtyǵynda. ıAǵnı, olar avtorlyq jáne tehnıkalyq qadaǵalaýsyz qurylys júrgizip jatyr. Úleskerler úshin qaýip-qater týyndaıdy. Biraq moratorııge baılanysty shaǵyn kásipkerlik sýbektilerine tekserý júrgize almaımyz», – dep túsindirdi memlekettik sáýlet-qurylys baqylaý basqarmasynyń basshysy Serjan Aımaqov.

Ol zańsyz salynǵan jańa ǵımarattardyń ishinde toǵyz qabatty turǵyn úı keshenderi bar ekenin atap ótti.

Bolashaqta olar qabyldaý aktilerin ala almaıdy. Sonymen qatar, úıdi buzý týraly sot isin bastaýǵa bolady.

Qurylys salýshylar QR ÁQBtK 314, 316, 321 jáne 463-baptary boıynsha ákimshilik jaýapkershilikke tartyldy.

«Budan basqa, zańda ÁQBtK 320-baby boıynsha úleskerlerdi zańsyz tartqany úshin jaýapkershilik kózdelgen. Áleýmettik jelidegi jarnama arqyly quqyq buzýshylardy anyqtaımyz, sosyn sotqa berýge materıal jınaımyz. Máselen, 2022 jyly «OPTIMAL BUILD COMPANY» JShS «Tretıı optımalnyı» TK (Mamraev sh/a, 6/3 qurylysy) boıynsha, «ProfInvest» JShS «Zaman 2» TK (Bóketov k-si, 60a) boıynsha ákimshilik jaýapkershilikke tartyldy. Búgingi tańda «Manhetten» TK boıynsha «KapıtalStroı-XXI»«JShS (Táttimbet kóshesi, 10B z/ý), «Aspan» TK boıynsha «SAPA CITY» JShS-ne (Karbyshev kóshesi, 5/3) hattama jasaldy. Bul jumysty jalǵastyramyz», – dedi Serjan Aımaqov.

Qurylysshylardyń «qara tizimine» engen árbir kompanııa jarııalanyp otyrady.