Qaraǵandyda zańsyz oıyn bıznesin uıymdastyrýshylar ustaldy
09:50, 19 Qarasha 2020
NUR-SULTAN. QazAqparat - QR QM Qarjy monıtorıngi komıtetiniń Qaraǵandy oblysy boıynsha Ekonomıkalyq tergeý departamenti «STOP oıyn» profılaktıkalyq is-sharalary sheńberinde Qaraǵandy qalasynda oıyn bıznesiniń zańsyz qyzmetiniń jolyn kesti.
Zańsyz aınalymnan «Lotomatic» lotereıa qyzmetiniń atyn jamylyp, zańsyz qyzmetter kórsetý úshin paıdalanylǵan 3 oıyn termınaly alyndy, dep habarlaıdy QazAqparat.
Tergeý barysynda kúdiktiler QR QK 307-babynyń 1-b. kózdelgen qylmys jasaǵany úshin kinásin moıyndady.
«Búgingi kúni tergeý aıaqtalyp, qylmystyq is aıyptaý aktisin bekitý jáne odan ári sotqa berý maqsatynda zańdylyqty tekserýdi júzege asyrý úshin qadaǵalaý vedomstvosyna usynyldy» - delingen QR QM Qarjy monıtorıngi komıteti baspasóz qyzmetiniń derekterinde.