Qaraǵandyda ýlanǵan taǵy eki bala aýrýhanaǵa jetkizildi, bas-aıaǵy 13 jetkinshek emdelip jatyr

QARAǴANDY. QazAqparat - Eńbek jáne áleýmettik qorǵaý komıteti Qaraǵandy oblysynyń balalarǵa arnalǵan arnaýly áleýmettik qyzmetter kórsetý ortalyǵynda ýlanǵan taǵy eki bala aýrýhanaǵa jetkizilgenin málimdedi, dep habarlaıdy QazAqparat.

Eńbek mınıstrligine qarasty eńbek jáne áleýmettik qorǵaý komıtetiniń tóraǵasy Tólegen Ospanqulov Qaraǵandy oblysynyń balalarǵa arnalǵan arnaýly áleýmettik qyzmetter kórsetý ortalyǵynda jospardan tys shuǵyl tekserý júrgizý maqsatynda Qaraǵandy oblysyna bardy.

Komıssııa quramyna Qaraǵandy oblysynyń bas memlekettik áleýmettik qorǵaý ınspektory da kirdi.

Memlekettik áleýmettik qorǵaý ınspektorlarynyń quzyretine múgedektigi bar adamdardy áleýmettik qorǵaý jáne arnaýly áleýmettik qyzmetter kórsetý salasyndaǵy zańnamanyń saqtalýyna memlekettik baqylaýdy júzege asyrý kiredi (qarttarǵa arnalǵan úıler, múgedektigi bar azamattarǵa arnalǵan úıler, ońaltý ortalyqtary, kúndizgi bolý ortalyqtary jáne t.b.).

Sondaı-aq, memlekettik áleýmettik qorǵaý ınspektorlary arnaýly áleýmettik qyzmet alýshylardyń ómiri men densaýlyǵyna qaýip tóngen jaǵdaıda áleýmettik qyzmetkerdi jumystan ýaqytsha shettete alady.

Esterińizge sala keteıik, 2023 jylǵy 30-31 shildede Qaraǵandy oblysynyń balalarǵa arnalǵan arnaýly áleýmettik qyzmet kórsetý ortalyǵynda qyzmet alyp jatqan 12 múgedektigi bar bala Qaraǵandy qalasynyń kópsalaly balalar aýrýhanasyna jatqyzyldy.

Onyń ishinde 2009 jyly týǵan bala qaıtys boldy.

1 tamyzda medıtsınalyq kómek kórsetý úshin arnaýly áleýmettik qyzmetter kórsetý ortalyǵynan taǵy 2 bala kelip tústi.

Osylaısha qazirgi ýaqytta aýrýhanada 13 múgedektigi bar bala em qabyldap jatyr.

Qaraǵandy oblysynyń arnaýly áleýmettik qyzmetter kórsetý ortalyǵynda joǵaryda atalǵan 13 baladan basqa taǵy 147 múgedektigi bar bala turady.

Sondaı-aq 42 bala kúndizgi qyzmetterdi alady.