Qaraǵandyda túrmede jazasyn ótep jatqandar kópbalaly analarǵa syılyq tabystady

QARAǴANDY. QazAqparat – AK-159/11 mekemesinde jazasyn ótep jatqandar halyqaralyq áıelder kúni qarsańynda ómirlerindegi eń mańyzdy jandaryn quttyqtap, qatelikteri úshin keshirim surady. Sondaı-aq, kópbalaly analarǵa óz qoldarymen jasaǵan syılyqtaryn tartý etti, dep habarlaıdy QazAqparat tilshisi.

Qaraǵandy oblysy boıynsha QAJD Halyqaralyq áıelder kúni qarsańynda beınerolık daıyndady, onda AK-159/11 sottalǵan mekemeleri óz analary men áıelderin 8 naýryzben quttyqtap, shyn júrekten aq tilekterin bildirip, osy kúni olardyń qasynda bola almaıtyndary úshin keshirim surady. Beıne baılanys arqyly quttyqtaý joldaǵan sottalǵandardyń kópshiligi bas bostandyǵynan aıyrý oryndarynda on jylǵa jýyq otyrǵandar.

Sondaı-aq, mereke qarsańynda AK-159/9 mekemesinde jazasyn ótep jatqan kópbalaly analardy AK 159/5, AK 159/6, AK 159/7, AK 159/11, AK 159/17, AK 159/18 mekemelerindegi sottalǵan er adamdar quttyqtady.

Bul kúni sottalǵandar óz qoldarymen qobdıshalar, aǵash músinsheler, ashyq hattar men sýretter sekildi syılyqtar jasady. Kópbalaly analar osyndaı iltıpat bildirgenderi úshin erler qaýymyna rızashylyqtaryn bildirdi. Munyń bári olar úshin tosyn syı boldy.

Sondaı-aq, 8 naýryz kúni názik jandylardy AK-159/9 mekemesi bastyǵynyń orynbasary quttyqtady

«Men barlyq áıelderge kóktemgi kóńil-kúı, baqytty ómir, mahabbat, sulýlyq, ómir qýanyshyn, týystar men dostardyń nazary men qamqorlyǵyna bólenýdi tileımin. Bul kún barlyq názik jandylarǵa jaqsy kóńil-kúı men qýanyshty kúlki syılasyn», - dep qorytyndylady ádilet polkovnıgi Slambek Tursynhanov.

AK-159/9 mekemesiniń ákimshiligi 8 naýryz Halyqaralyq kúnin erekshe yqylaspen atap ótedi, radıorýbka arqyly mýzykalyq súıemeldeýden basqa, 8 naýryzda mekemede úı atmosferasyn qurý úshin merekelik túski as daıyndalady.