Qaraǵandyda turǵyn úıdiń opyrylyp qulaý faktisi boıynsha mamandandyrylǵan prokýror qylmystyq is qozǵady
Bul týraly Qaraǵandy oblysy prokýratýrasynyń baspasóz qyzmetinen habarlandy.
«Qazirgi ýaqytta jedel-tergeý toby qurylýda», - dep habarlandy oblystyq prokýratýradan.
Buǵan deıin, úleskerlik qatysýmen úsh jyl buryn salynǵan «Besoba» turǵyn úı kesheniniń №7 úıinde týyndaǵan apatty jaǵdaı faktisi boıynsha, materıal tergeý aldy tekserýdi jáne protsessýaldyq sheshimdi qabyldaý úshin Qaraǵandy oblystyq prokýratýrasynyń arnaıy prokýrorlary basqarmasyna óndiriske jiberilgen bolatyn.
Buǵan deıin habarlanǵandaı, búgin Qaraǵandyda saǵat 10.55-te «Besoba» keshenindegi bes qabatty úıdiń 4 kireberisi bar blogy opyrylyp qulady. Qurbandar men zardap shekkender joq.
Esterińizge sala keteıik, atalmysh turǵyn úıde 1 sáýir kúni salmaq túsetin negizgi qurylys konstrýktsııalary buzylǵan bolatyn.
Apatty úıden 138 adam kóshirildi. Qaraǵandy ákimdiginiń 3 sáýirdegi ókimimen úıge TJ rejımi engizildi.
Úıdiń qurylysymen aınalysqan «Servıspromsnab» JShS-niń dırektory Andreı Malıanovqa qatysty qarjy polıtsııasy úleskerlerdi aldaý faktisi boıynsha qylmystyq isti tergeý ústinde. Aldanǵan úleskerlerdiń aqshasyn jymqyryp, boı tasalap júrgen kompanııa basshysyna izdeý jarııalandy.