Qaraǵandyda «Spýtnık V» vaktsınasy shyǵarylyp jatqan joq

NUR-SULTAN. QazAqparat – Qaraǵandyda «Spýtnık V» vaktsınasyn shyǵarý toqtatyldy. Bul týraly QR DSM dári-dármek saıasaty departamentiniń dırektory Baýyrjan Júsipov aıtty, dep habarlaıdy QazAqparat tilshisi.

«Pandemııa bastala salysymen Qaraǵandyda daıyn sýbstantsııadan «Spýtnık V» vaktsınasy óndirisin iske qosqan edik. Qazirgi ýaqytta bul protsess toqtatyldy. Búginde vaktsınanyń jetkilikti kólemi bar», - dedi ol ortalyq kommýnıkatsııalar qyzmetindegi baspasóz máslıhatynda BAQ ókilderiniń saýalyna oraı.

Onyń atap ótýinshe, elimizde otandyq QazVac vaktsınasynyń da qory jetkilikti. Buǵan qosa, Pfizer vaktsınasyn qosymsha satyp alý úshin kelissóz júrgizilip jatyr.

«Spýtnık V» vaktsınasy boıynsha kelissóz júrgizilip jatqan joq. Qaraǵandyda atalmysh vaktsınanyń óndirisi toqtaǵan», - degen Baýyrjan Júsipov mundaı jaıttyń geosaıası jaǵdaımen baılanysty emestigin basa aıtty.