Qaraǵandyda «Soıýz MS-12» ekıpajyn qarsy aldy
Reseılik ǵaryshker Alekseı Ovchının, amerıkandyq astronavt Nık Heıg jáne BAÁ-nen Halyqaralyq ǵarysh stantsııasyna ǵaryshtyq ushýdyń birinshi qatysýshysy Hazzaa Al Mansýrı «Soıýz MS-12» kemesinen Jerge oraldy. - Qymbatty ǵaryshkerler, Qazaqstannyń qonaqjaı jerine qosh keldińizder. Qalyptasqan dástúr boıynsha qaraǵandylyqtar ǵaryshkerlerdi birinshi bolyp qarsy alady. Biz sizderdi HǴS 60-shy mereıtoılyq mıssııasynyń sátti aıaqtalýymen quttyqtaımyz, - dedi Qaraǵandy oblysynyń ákimi Jeńis Qasymbek ǵaryshkerlerdi qarsy alý kezinde. Dástúr boıynsha barlyq qazaqstandyqtardyń atynan ekıpaj múshelerine shapandar syıǵa tartyldy, al Rosavıatsııa ókilderi ǵaryshkerler beınelengen matreshkalardy tabys etti. Jalpy ekıpaj ǵaryshta alty aıdan astam ýaqyt ótkizdi. Alekseı Ovchının jáne amerıkandyq Nık Heıg HǴS-qa 2019 jyldyń 15 naýryzynda qondy. 25 qyrkúıekte «SOıÝZ MS-12» kemesiniń ınternatsıonaldyq ekıpajy quramynda Baıqońyr ǵarysh aılaǵynan orbıtaǵa shyqqan Hazzaa Ál Mansýrı HǴS-qa kelgen Birikken Arab Ámirlikteriniń birinshi ókili bolyp tabylady. Osy oqıǵanyń qurmetine onyń fotosýreti álemniń eń bıik ǵımaratynda — Býrdj-Halıfa ǵımaratynyń shyńynda ornalastyrylǵan. - Men óz elimniń alǵashqy astronavty bolǵanymdy maqtan tutamyn. Osy alǵan tájirıbemdi ǵaryshqa ushatyn basqa da arab astronavtarymen bólisýdi josparlap otyrmyn. Halyqaralyq ǵarysh stantsııasynan jerdi kórgendegi óz sezimimdi sıpattaý óte qıyn. Ol erekshe bir keremekt kórinis. HǴS-da uzaǵyraq qalǵym keldi, - dep bólisti BAÁ astronavty Hazzaa Ál Mansýrı. «Soıýz MS-12» kemesi HǴS quramynda bolǵan ýaqyt aralyǵynda ǵaryshkerler «Progress MS-11», «Progress MS-12», Cygnus NG-11 jáne Konotouri-8 júk kemelerin qabyldady, «Soıýz MS-13» jáne «Soıýz MS-15» kemeleriniń ekıpajdaryn qarsy aldy. Sondaı-aq 22 tamyzda jaqyndastyrý jáne túıistirý júıesiniń aqaýlarynan keıin stantsııaǵa 27 tamyzda aılaqqa jetkizilgen «Soıýz MS-14» ǵarysh kemesimen jetkizilgen «Fedor» antropomorfty robotymen jumys istedi.