Qaraǵandyda sheteldik baqylaýshylarǵa kómek kórsetý ortalyǵy jumys isteı bastady

QARAǴANDY. QazAqparat - Qaraǵandyda baqylaýshylar men sheteldik BAQ ókilderine járdemdesý ortalyǵy ashyldy. Bul jerde olarǵa aımaq boıynsha transfer, baspasóz konferentsııalaryn ótkizýge jáne jumys úshin alań qarastyrylyp, keńes berý jáne bos ýaqytyn uıymdastyrý múmkindigi jasalady, dep habarlaıdy QazAqparat tilshisi.

Ortalyq Qaraǵandy oblysy kásipkerler qaýymdastyǵynyń bastamasymen qurylǵan. 5 maýsymǵa deıin ol saǵat 9.00-den 18.00-ge deıin jumys isteıtin bolady. Al 8-9 maýsym aralyǵynda táýlik boıy jumys istemek.

«Biz Qazaqstan Prezıdentiniń kezekten tys saılaýyn baqylaý úshin basqa elderden kelgen baqylaýshylarǵa kómekteskimiz keledi. Bizdiń koordınattarymyzdy oblystyq saılaý komıssııalarynan tabýǵa bolady. Oblystyń qalalary men kórnekti oryndary týraly, sondaı-aq barlyq saılaý ýchaskeleri men komıssııalary týraly aqparaty bar kitapshalar daıyndaldy», - dedi ortalyq basshysy Serik Sanaýbaev.

Ol Qaraǵandy oblysyna prezıdent saılaýyn ótkizýdi baqylaýǵa EQYU, TMD elderiniń delegatsııalary men parlamentaralyq baqylaýshylar keletinin atap ótti. Búgingi tańda 60-tan astam sheteldik baqylaýshy tirkelgen.