Qaraǵandyda Shahter kúnine arnalǵan saltanatty sharalar bıyl ótpeıdi

QARAǴANDY. QazAqparat - «Qazaqstan» shahtasyndaǵy qaıǵyly oqıǵaǵa baılanysty Shahter kúnine arnalǵan búkil merekelik is-sharalar bıyl uıymdastyrylmaıdy. Bul jaıynda oblys ákimdiginen habarlandy, dep habarlaıdy QazAqparat.

Jalpy Qazaqstanda Shahter kúni jyl saıyn tamyzdyń sońǵy jeksenbisinde toılanady.

Eske sala keteıik, 17 tamyz kúni Qaraǵandy oblysyndaǵy «Qazaqstan» shahtasynda órt tutandy.

Apat kezinde jer astynda 227 kenshi boldy. 222 adamdy jer betine jedel kóterý múmkin boldy, segizi zardap shekti.

Shahtanyń astynda qalyp qoıǵan bes kenshiniń denesi tabyldy.

18 tamyzdaǵy jaǵdaı boıynsha medıtsına mekemelerinde órtten zardap shekken 11 kenshi em qabyldap jatyr.

Eńbek jáne halyqty áleýmettik qorǵaý mınıstrligi Eńbek jáne áleýmettik qorǵaý komıtetiniń tóraǵasy Tólegen Ospanqulov málim etkendeı, «Qazaqstan» shahtasyndaǵy apat úshin jaýapty tulǵa 7 jylǵa deıin túrmege qamalýy múmkin.

Prezıdent Qasym-Jomart Toqaev órt sebebin anyqtaý úshin jan-jaqty tergeý júrgizýdi tapsyrdy.