Qaraǵandyda saýda pavılondaryn salý úshin 5 jer telimi satyldy
«2-shi qarasha kúni jer aýktsıony ótti. Qazybek bı jáne Oktıabr aýdandarynda ornalasqan 13 jer telimi 5 jyl merzimge ýaqytsha paıdalaný úshin usynyldy. Solardyń 5-i halyq tutynatyn taýarlardy satý úshin pavılondar salýǵa berildi. Bes lot boıynsha túsken jalpy soma 500 myń teńgeni qurady», - dep habarlady Qaraǵandy qalasynyń jer qatynastary, sáýlet jáne qala qurylysy bólimi.
Bul bes jer telimide Oktıabr aýdanynyń 21-shi jáne 22-shi shaǵynaýdandarynda, Zelınskıı-Pırogov, Sotsıalıstıcheskaıa-Melıtopolskaıa kósheleriniń qıylysy men Metallıster kóshesinde ornalasqan. Ár jer teliminiń kólemi - 0,0018 gektar. Aýktsıon aǵylshyn ádisi boıynsha ótti, jánede saýda barysynda satý baǵasy bastapqy baǵadan 20 esege artty. Jerdi jalǵa alýshylar jer teliminiń nysanaly maqsatyn ózgerte almaıdy.
Degenmen Fedorov sý qoımasyndaǵy demalys oryndaryna baǵyttalǵan jer telimderin satyp alýshylar tabylmady. Olar kelesi aýktsıonda qaıta saýdaǵa qoıylady.