Qaraǵandyda saýda ortalyǵynan 600 adam evakýatsııalandy
«TsÝM» ǵımaratynda jarylǵysh zaty qoıyldy» degen habar JBO 102 nómirine saǵat 16.34-te kelip túsken. Oqıǵa ornyna jedel qyzmet jóneltildi. Saýda úıinen shamamen 600 adam - satýshy, tehnıkalyq qyzmetker jáne kelýshiler evakýatsııalandy. Oblystyq ІІD oqý-jattyǵý vzvodynyń qyzmetkerleri ǵımaratty tintip shyqty. Jarylǵysh zat tabylmady. Saǵat 17.44-te operatsııa aıaqtaldy», - dedi oblystyq ІІD baspasóz qyzmetiniń basshysy Baqytjan Qudııarov.
Polıtseılerdiń habarlaýnysha, er adam qońyraý shalǵan. Qazir kim habarlasqany anyqtalýda.
«Materıal sotqa deıingi tergeý amaldarynyń birińǵaı tizilimine QR QK-niń 273-baby boıynsha tirkeldi. Bul bap boıynsha 6 jylǵa deıin bas bostandyǵynan aıyrý qarastyrylǵan», - dep qosty B. Qudııarov.
Qaraǵandy TsÝM-yna «bomba» qoıyldy dep osyǵan deıin de habarlanǵan. Osyndaı oqıǵa 7 maýsymda oryn aldy. Ol kezde saýda úıinen 500 adam qaýipsiz jerge shyǵaryldy. Ustalǵan 26 jastaǵy kúdikti qońyraý shalǵanyn moıyndaǵan.