Qaraǵandyda respýblıkalyq aqyndar baıqaýy ótedi
Baıqaýǵa 18 jastan 45 jasqa deıingi úmitkerler qatysa alady. Olar Qasym Amanjolovqa, táýelsizdikke jáne erkin taqyrypqa arnalǵan qazaq tilindegi úsh óleńdi usynýy kerek. Jumysty Microsoft Word formatynda elektrondy túrde berý qajet.
Baıqaýǵa qatysýǵa ótinimder men jumystar 20 qyrkúıekke deıin kar_til@krg.gov.kz elektrondyq poshtasy arqyly qabyldanady. Eskertpede «Dúnıege keler áli talaı Qasym» respýblıkalyq baıqaýyna qatysqym keledi dep jazý kerek.
Ótinimde T.A.Á., jumys nemese oqý orny, baılanys telefondary kórsetilýi tıis, sondaı-aq qatysýshynyń jeke kýáliginiń elektrondyq kóshirmesin qosa berý qajet.
Jınaqtarda, merzimdi basylymdarda, saıttarda, áleýmettik jelilerde jarııalanǵan, basqa baıqaýlarda usynylǵan jáne talaptarǵa sáıkes kelmeıtin jumystar qabyldanbaıdy. Baıqaýdyń jeńimpazdary men júldegerleri dıplomdarmen jáne aqshalaı syılyqtarmen marapattalady. Qorytyndysy qazan aıynda shyǵady.
Marapattaýdyń formaty men naqty kúni keıinirek jarııalanady.
Baıqaý týraly tolyq aqparatty kelesi nómirler boıynsha bilýge bolady: (8-7212)
56-74-76, 8-700-112-44-35, 8-702-812-93-78.