Qaraǵandyda Qaiyrymdy Urpaq oblystyq qaıyrymdylyq aktsııasy qorytyndylandy

QARAǴANDY. QazAqparat – Qaiyrymdy Urpaq aktsııasyna qatysatyn metsenattar az qamtylǵan jáne kóp balaly otbasylardan shyqqan 137 balaǵa kómektesti. Igi isterdi Qaraǵandy oblysynyń jastar saıasaty máseleleri jónindegi basqarma uıymdastyrdy, dep haıýarlaıdy QazAqparat tilshisi.

Al áleýmettik qorǵalmaǵan otbasylardan shyqqan balalar armanynyń oryndalýyna metsenattar kómektesti. Olar shet tilderi kýrsyna, UBT-ǵa daıyndyq, sport sektsııasyna, ónertaný, vokal, horeografııa úıirmelerine abonement, sondaı-aq sport jabdyqtary men kıim-keshek syılady.

«Mundaı nátıje Táýelsizdik jyldarynda bıznes jáne qoǵamdyq-saıası qyzmet salalarynda jetistikterge jetken oblystyń 60 jas metsenatynyń qoldaýynyń arqasynda múmkin boldy. Aktsııany qoldaýǵa qaraǵandylyq jas kásipker, «Samǵaý» akademııasynyń negizin qalaýshy Ardaq Jakın eleýli úles qosty. Ol 50 túlekke UBT-ǵa tegin daıyndalý múmkindigin syılap, oǵan 2,5 mln teńge jumsady», – dep atap ótti jastar saıasaty máseleleri jónindegi basqarmasynan.

Shahtınsk qalalyq máslıhatynyń depýtaty Marshıda Kadyrova mýzykant jerlesine saksofon-alt syıǵa tartty. Al «Planeta sporta» dúkender jelisiniń Qaraǵandaǵy fılıaly Nura aýdanynyń sport mektebiniń 10 tárbıelenýshisin sport qural-jabdyǵymen qamtamasyz etti.

«Aktsııaǵa qatysqan barlyq metsenattar men kásiporyndarǵa shynaıy alǵysymyzdy bildiremiz. Barlyq demeýshiler alǵys hattarmen marapattalady», – dedi aktsııa uıymdastyrýshylary.