Qaraǵandyda Professorlar alleıasy ashyldy

QARAǴANDY. QazAqparat  - Qaraǵandy memlekettik tehnıkalyq ýnıversıtetinde professorlar alleıasy ashyldy, dep habarlady «QazAqparat» HAA tilshisi.

«Professorlar alleıasynyń» irgesin qalaý - oqytýshylar men stýdentterdiń bastamasy. Bas korpýstaǵy akademık eskertkishiniń artyna JOO-nyń 35 professory tal otyrǵyzdy jáne ár qaraǵaıdyń túbine professordyń aty-jóni jazyldy. Sharaǵa ýnıversıtettiń professorlyq-oqytýshylyq quramy, «Jas Orda» stýdenttik uıymdar qaýymdastyǵynyń músheleri, stýdentter jáne magıstranttar qatysty. 
Bul aktsııa Memleket basshysy bastama kótergen «Týǵan jer» baǵdarlamasyn júzege asyrý aıasynda júrgizildi. 
«Professorlar alleıasy  naǵyz patrıottyqtyń, týǵan qalaǵa degen súıispenshiliktiń, Qazaqstannyń bolashaǵyna degen qamqorlyqtyń kórinisi», - dedi professor Marat Ibatov.