Qaraǵandyda para alǵan bólim basshysy 9 mln teńge aıyppul tóleıdi

QARAǴANDY. QazAqparat - Qaraǵandyda memleketitk mekemeniń basshysy iri kólemde aıyppul tóleıtin boldy, dep haabarlaıdy QazAqparat Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.

Agentiktiń Qaraǵandy oblysy boıynsha departamenti Buqar Jyraý aýdany ákimdiginiń turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń basshysy N. Ábdildınge qatysty sotqa deıingi tergeýdi aıaqtady.

«N.Ábildın oryndalǵan jumys aktilerine kedergisiz qol qoıǵany jáne avtomobıl joldaryn qys mezgilinde ustaýǵa bólingen aqsha qarajatyn aýdarǵany úshin merdiger uıymnyń ókilinen para alǵan» delingen habarlamada.

25 maýsymda Buqar jyraý aýdandyq sotynyń úkimimen N. Ábdildınge 9 mln teńge kóleminde aıyppul salyndy. Sottalýshy ómir boıy memlekettik qyzmette eńbek etý quqyǵynan aıyryldy.

Sot aıyppul tóleý merzimin belgiledi jáne aıyppul tólenbegen jaǵdaıda jaza bas bostandyǵynan aıyrýǵa aýystyrylatynyn túsindirdi.