Qaraǵandyda «Nurly jer» baǵdarlamasyna saı kelmeıtin 2500 adam úı kezeginde turǵan

QARAǴANDY. QazAqparat – Qaraǵandy oblysynyń prokýrorlary «Nurly jer» baǵdarlamasy boıynsha zań buzý derekterin anyqtady. Kemshilikter qatarynda baǵdarlama shartyna saı kelmeı kezekke turǵandar, josyqsyz jalǵa alýshylar jáne basqa da derekter tabylǵan, dep habarlaıdy QazAqparat tilshisi.

Qaraǵandy oblysynda «Nurly jer» baǵdarlamasyn júzege asyrý barysynda turǵyn úıdi zańsyz bólý, turǵyn úı jaǵdaılary jaqsartýdy qajet etpeıtin tulǵalardy kezekke qoıý, memlekettik satyp alý týraly sharttardy zańsyz ózgertý jáne ózge de júzdegen zańbuzýshylyqtar anyqtaldy.

Prokýrorlardyń aralasýynan keıin kezekte turǵan 89 adam kópten kútken páterine qonystanyp, 110 adam jalǵa alýshy mártebesin resimdeýi olarǵa memlekettik qyzmetterdi alýǵa jol ashty.

«Josyqsyz jalǵa alýshylardan 30 mln teńge óndirilip, 13 páter bosatyldy, 8 páter turǵyn úıge shyn máninde muqtajdarǵa berildi. Baǵdarlama shartyna sáıkes kelmegendikten 2 540 adam tirkeýden alynyp tastaldy. Merdigerlerge qatysty da tıisti talaptar qoıylyp, olar qadaǵalaý aktisi boıynsha memlekettik bıýdjetke 440 mln teńgeden astam somany qaıtardy», - dep málimdedi Qaraǵandy oblysy prokýratýrasynyń baspasóz qyzmeti.