Qaraǵandyda myń sharshy metrge jýyq turǵyn úıdiń shatyry órtenip jatyr

QARAǴANDY. QazAqparat - Qaraǵandyda bes qabatty turǵyn úı órtenip jatyr. Órt shamamen 900 sharshy aýdandy qamtydy. Qutqarýshylar 15 adamdy evakýatsııalady, dep habarlaıdy QazAqparat tilshisi.

Órt týraly habarlama dıspetcherlik pýltke búgin saǵat 14:59-da tústi. Turǵyndar A.Bókeıhanov aýdanyndaǵy 11-shi oramda 5 qabatty turǵyn úıde órt shyqqanyn habarlady.

«5 qabatty turǵyn úıde ashyq jalynmen shatyr torlary janyp jatyr. Ot sharpyǵan alań shamamen 900 sharshy metrdi alyp ketti. TJD kúshterimen 15 adam evakýatsııalandy. Órtti sóndirýge TJD bólimsheleri jumyldyryldy», - dep habarlady baspasóz qyzmeti.

Oqıǵa ornynda oblys jáne qala ákimderi bar.

Óńir basshysy Ermaǵanbet Bólekpaev qala ákimine turǵyndardy ýaqytsha mekenge ornalastyrýdy tapsyrdy. Shtab uıymdastyryldy.

«Qazir negizgi mindet - órtti sóndirýge, sebepterin anyqtaýǵa, adamdardy qaýipsiz jerge kóshirýǵa kúsh salý», - dedi oblys ákimi.