Qaraǵandyda múgedektermen shıpajaıǵa ilesip baratyn adamdardyń shyǵyny óteledi

QARAǴANDY. QazAqparat – Birinshi toptaǵy múgedek jandarǵa shıpajaıǵa joldamamen emdelýge barý úshin óz qarajaty esebinen ilesip júretin adamdardy tabý qıyn. Bul másele Qaraǵandy oblysynyń ákimi Jeńis Qasymbektiń onlaın-qabyldaýynda kóterildi, dep habarlaıdy QazAqparat.

Zaǵıp jandardyń jaqyn týystar bolsa, bul máseleni sheshýge bolady. Biraq múgedektigi bar jalǵyzbasty adamdar kóbinese joldamalardan bas tartýǵa májbúr. Sebebi olarmen birge eshkim óz qarajaty esebinen barǵysy kelmeıdi.

«Bul máseleni jaqynda maǵan onlaın-qabyldaýǵa jazylǵan kórý qabileti nashar І toptaǵy múgedek jan aıtty. Zaǵıp adam shıpajaılyq-kýrorttyq emdelýge qalaı jalǵyz barady? Eger onyń ózi úshin jolaqyny tóleı alatyn týysy bolmasa? Másele túsinikti. Biz kómektese alamyz jáne kómektesýimiz kerek. Qaraǵandynyń І toptaǵy múgedekterinen bastaıyq. Aqsha tabamyz», - dedi Jeńis Qasymbek.

Múgedek jandarǵa ilesip júretin adamdardyń kóliktik shyǵynyn jabýǵa jylyna 170 mıllıon teńge bólý qajet. Bul tek Qaraǵandy qalasy boıynsha. Oblys basshysy qarajat tabý múmkindigin tabýdy tapsyrdy. Jol júrý shyǵynyn óteý bıyldan bastap óteletin bolady.

Jalpy, Qaraǵandy oblysynda múmkindigi shekteýli adamdardyń máseleleri tek azamattardy qabyldaýda ǵana emes, qoǵammen tyǵyz yntymaqtastyqtyń arqasynda da sheshiledi. Mysaly, qazir qala men aýdannyń ár ákiminde múgedektigi bar adamdar týraly shtattan tys keńesshi bar. Mundaı sheshimdi oblys basshysy Jeńis Qasymbek qabyldaǵan bolatyn. Keńesshiler múgedektigi bar adamdar men memlekettik organdar arasyndaǵy kópirge aınaldy.

Keńesshilerdiń jumysyn belgili qoǵam qaıratkeri jáne belsendi qaraǵandylyq Nııaz Súndetalıev basqarady. Іs-qımyl jospary ázirlendi, Telegram-da memlekettik organdardyń, úkimettik emes uıymdardyń basshylary kiretin chattar quryldy.