Qaraǵandyda mobıldi topqa baǵynbaı, janjal shyǵarǵan eki turǵyn 3 táýlikke qamaldy

QARAǴANDY. QazAqparat – Qaraǵandyda mobıldi topqa qarsylyq kórsetken eki er adam úsh táýlikke tutqyndaldy. Olar karantın shekteýine qaramastan kottedjde qonaq jınap, is-shara ótkizgen, dep habarlaıdy QazAqparat tilshisi.

«Qaraǵandy qalasy ákimshilik sotynyń qaýlysymen mobıldi top múshelerine baǵynbaǵan eki er adamǵa qatysty árqaısysyna úsh táýlik ákimshilik qamaý túrinde jaza qoldanyldy», - dep málimdedi Qaraǵandy oblystyq PD baspasóz qyzmeti.

Eske sala keteıik, 8 tamyz kúni «109» telefonyna Sh.Jandarbekova kóshesindegi kottedjde saltanatty is-shara ótip jatqany týraly habarlama kelip tústi.

Oqıǵa ornyna polıtsııa qyzmetkerleri, ákimdik jáne SEQ ókilderinen quralǵan mobıldi top kelip jetken.

Karantın normalaryn buzý faktisin tirkeý kezinde 50 jastaǵy úı ıesi men onyń 54 jastaǵy aǵasy mobıldi top múshelerine kedergi keltirgen.