Qaraǵandyda qyzylsha dertine shaldyǵý derekteri jıilep ketti

QARAǴANDY. QazAqparat – Qaraǵandy oblysynda qyzylsha aýrýy jıilep ketti. Qazir juqpaly aýrýlar aýrýhanasynda tórt bala emdelýde, olardyń bireýi bir jasqa tolmaǵan. Dertke shaldyqqan búldirshinderdiń barlyǵy egilmegen. Dárigerler ata-analardy qaýipti aýrý men derttiń yqtımal saldarynyń aldyn alý úshin balalaryn ýaqtyly vaktsınalaýǵa shaqyrady, dep habarlaıdy QazAqparat tilshisi.

Óńirdegi qyzylsha aýrýynyń jaǵdaıy týraly óńirlik kommýnıkatsııalar qyzmetiniń alańynda ótken brıfıngte aıtyldy.

«Qaraǵandy oblysynda jyl basynan beri 14 jasqa deıingi balalar arasynda qyzylshanyń 15 jaǵdaıy tirkeldi, onyń ishinde 11 jaǵdaı zerthanalyq rastaldy, qalǵandary saraptalyp jatyr. Tek maýsym aıynyń ózinde bul dertke 9 bala shaldyqty», – dedi sanıtarlyq-epıdemıologııalyq baqylaý departamentiniń basshysy ıÝrıı Zalygın.

Onyń aıtýynsha, juqtyrý jaǵdaılardyń bir bóligi syrttan kelgen, balalar ata-analarymen basqa elderde demalǵan nemese Qazaqstan boıynsha saıahattaǵan.

ıÝrıı Zalygın qyzylsha boıynsha epıdemıologııalyq jaǵdaı búkil álemde kúrdelene túskenin atap ótti.

Sebebi, koronavırýs pandemııasyna baılanysty balalardy vaktsınatsııa kúrt tómendedi. Sonymen qatar, vaktsınaǵa qarsy shyǵyp otyrǵandar qatary qalyńdaǵan.

Búgingi tańda juqpaly aýrýlar aýrýhanasynda qyzylshamen aýyratyn tórt bala jatyr. Olardyń jaǵdaıy ortasha. Bir sábı 2022 jyly týǵan, áli bir jasqa tolmaǵan. Basqa naýqastardyń jasy – 14 jasqa deıin. Barlyq naýqastar ýaqtyly ekpe almaǵan», – dedi Densaýlyq saqtaý basqarmasy basshysynyń bosaný jáne balalyq shaq jónindegi orynbasary Gúljan Jıembaeva.

Ol oblysta vaktsına qory jetkilikti ekenin atap ótti – óńirimizde shamamen 20 myń doza bar. Preparat tıimdi jáne qaýipsiz.

Úndistanda jasalǵan vaktsına sertıfıkattalǵan, dárilik zattar men medıtsınalyq buıymdardy saraptaýdyń ulttyq ortalyǵynda tekserýden ótip jatyr.

Aıta ketetin jaıt, ımmýndaýdan bas tartý óte aýyr zardaptarǵa ákelýi múmkin. Dárigerler qyzylsha soqyrlyq pen entsefalıtke deıingi asqynýlarmen qaýipti ekenin eskertedi.

«Qazaqstanda qyzylshaǵa qarsy ımmýndaý tegin, eki ret júrgiziledi: birinshisi – 12–15 aı, ekinshisi – 6 jasta. Úsh komponentti vaktsına qoldanylady. Ol birden qyzylshaǵa, qyzamyqqa jáne parotıtke qarsy ekpe. Pandemııa kezinde balalardyń josparly ekpe almaǵanyn eskere otyryp, barlyq turǵyndardy balalaryn vaktsınatsııalaý úshin turǵylyqty jeri boıynsha emhanalarǵa júginýge shaqyramyn. Vaktsınatsııany keıinge qaldyrý nemese toqtatý týraly sheshim qabyldaǵanda, siz balańyzdyń densaýlyǵyna, tipti ómirine qaýip tóndiretin úlken jaýapkershilikti alasyz», – dedi ıÝrıı Zalygın ata-analarǵa.

Shetelge sapardy josparlaý kezinde dárigerler vaktsınatsııadan ótýdi aldyn ala oılastyrýǵa keńes beredi.