Qaraǵandyda «Qys-2019» respýblıkalyq komandalyq-shtabtyq oqý-jattyǵý bastaldy
Oqý-jattyǵý qutqarýshylardy, áskerı jáne apattar medıtsınasy qyzmetiniń dárigerlerin qysta bolatyn tótenshe jaǵdaılardy joıý jáne aldyn alýǵa daıyndaıdy. Ol jyl saıyn elimizdiń barlyq qalalarynda ótedi. Bıylǵy jyly úılestirý jáne basshylyq jónindegi shtab Qaraǵandyda ornalasqan.
Qutqarýshylar tótenshe jaǵdaılar kezindegi is-qımyl algorıtmderin eki kún qatarynan pysyqtaıdy.
Shara qutqarý tehnıkasynyń kórmesinen bastaldy. Munda órt sóndirý mashınalary, shynjyr tabandy jol talǵamaıtyn tehnıka, qar qursaýynan adamdardy evakýatsııalaıtyn jol júrý ótimdiligi joǵary avtomobılder, jylytý pýnkti bar shatyrly lager, dalalyq ashana jáne baılanys pýnkti kórsetildi.
Qaraǵandy oblysynyń ákimi Jeńis Qasymbek tehnıkanyń qysqa daıyndyǵyn tekserdi. Ol qutqarý qyzmetiniń ıeligindegi arnaıy mashınalar qanshalyqty jetkilikti ekenin jáne oblystaǵy TJD qyzmetkerleri qandaı qıyndyqtarǵa tap bolatynyn surady. Qazir departamenttiń ıeliginde 400-ge jýyq mashına bar, taǵy da 300-ge jýyq tehnıka satyp alý qajet. Bul maqsattarǵa jyl saıyn bıýdjetten qarajat bólinedi. Qutqarýshylar ózderiniń negizgi máseleleri eńbekaqysynyń tómendigi men kadrlardyń turaqtamaýy ekenin atap ótti.
«Menińshe, biz »Turǵyn úı qurylys jınaq bankimen« departament qyzmetkerleri úshin ıpotekaǵa qatysty kelissózder júrgize alamyz. Úlken qalalarda bul júıe 2020 jyldyń qańtarynan bastap qutqarýshylarǵa jalaqyny arttyratynyn eskere otyryp, jumys isteı alady. Kishkentaı qalalarda ıesiz qalǵan úılerdi qalpyna keltirýge jáne onda vedomstvolyq páterler jasaýǵa bolady, biz qazir dárigerlermen osylaı jumys isteımiz. Bul aǵymdaǵy jáne kadr tapshylyǵy máselesin sheshýge kómektesedi», - dedi Jeńis Qasymbek.
Tehnıkalardy tekserýden keıin qutqarýshylar JEO-3 attandy, onda stansadaǵy tótenshe jaǵdaıdy joıý kezindegi is-qımyl algorıtmi pysyqtaldy.
Erteń, sharanyń ekinshi kún qutqarýshylar Fedorov sý qoımasynda jattyǵady. Stsenarıı boıynsha adamdardy qutqarý jáne evakýatsııalaý qajet bolady. Odan keıin «Saryarqa» áýejaıy aýdanynda qar qursaýy, JKO kezinde jumys isteý, jolda zardap shekkenderge kómek kórsetý jáne izdestirý jumystaryn júrgizý boıynsha arnaıy taktıkalyq jattyǵýlar júrgiziledi.