Qaraǵandyda quqyq qorǵaý organdary ókilderiniń qatysýymen bolǵan oqıǵaǵa qatysty túsinikteme berildi
Áleýmettik jelilerde er adamdar arasyndaǵy qaqtyǵystyń vıdeosy tarap jatyr. Kadrda krımınaldyq polıtsııa bastyǵynyń orynbasary Ermek Tobylbaevty baıqaýǵa bolady. Ol janjaldasyp jatqan azamattardan shetkeri turyp, qaqtyǵysty baqylap tur. Bul ýaqytta janjaldasýshy taraptar bir-birine qol kóterip, tóbelese jóneledi. Dál osy sátte beınejazba toqtaıdy.
Polıtsııa departamenti bul vıdeoda qylmystyq polıtsııa bastyǵynyń orynbasary bolǵanyn joqqa shyǵarmady.
«Áleýmettik jelilerde erler arasyndaǵy janjaldyń vıdeosy jarııalandy, oǵan oblystyq PD krımınaldyq polıtsııa basqarmasy bastyǵynyń orynbasary qatysady. 4 shilde kúni qylmystyq polıtsııa basqarmasynyń baqylaýyndaǵy alaıaqtyq faktisi boıynsha qylmystyq is fıgýrantynan QPB bastyǵy orynbasarynyń uıaly telefonyna daýly múlikke baılanysty janjal paıda bolǵany týraly qońyraý kelip túskenin habarlaımyz. Zańsyz áreketterdi boldyrmaý jáne mán-jaılardy anyqtaý maqsatynda ol oqıǵa ornyna baryp, sol jerde patrýldik polıtsııa polkiniń narıadyn shaqyrdy», - dep habarlady Qaraǵandy oblysy PD baspasóz qyzmeti.
Belgili bolǵandaı, taraptar arasyndaǵy janjalǵa avtokólik sebep bolǵan. Oqıǵa ornyna polıtsııanyń qosymsha kúshi shaqyryldy. Nátıjesinde qaqtyǵystyń barlyq qatysýshylary Qaraǵandy qalasynyń polıtsııa bólimine jetkizildi.
Atalǵan faktige qatysty QR QK 293-baby «Buzaqylyq» boıynsha sotqa deıingi tergeý bastaldy.
Aıta ketý kerek, áleýmettik jelilerde bul beınede prokýratýra qyzmetkeri Alekseı Bondarev te bolǵany aıtylady. Alaıda, Qaraǵandy oblysy prokýratýrasynyń baspasóz qyzmeti Alekseı Bondarev ótken jyldan beri prokýratýra qyzmetkeri emes ekenin habarlady.
«Jelide quqyq qorǵaý organdary qyzmetkerleriniń qatysýymen janjal týyndady degen beıne taratyldy. Qaraǵandy oblysynyń prokýratýrasy A.E. Bondarevtiń 2021 jylǵy 30 jeltoqsannan bastap prokýratýra organdarynyń qyzmetkeri bolyp tabylmaıtynyn habarlaıdy», - degen prokýratýranyń Feısbýktegi resmı paraqshasyndaǵy jarııalanymda.