Qaraǵandyda kontrabandalyq temekiniń 17 myńnan astam qoraby tárkilendi

QARAǴANDY. QazAqparat - Qaraǵandy oblysy boıynsha Memlekettik kirister departamentiniń qyzmetkerlerimen kontrabandalyq temeki ónimderiniń zańsyz aınalymynyń kezekti faktisin anyqtady, dep habarlaıdy QazAqparat.

«16 maýsymda Qaraǵandy qalasy bazarlarynyń aýmaǵynda ártúrli markaly temeki túrindegi ónimderdi sáıkestendirý quraldarynsyz (aktsızdik markalar) satý faktileri belgili boldy.

AQSh, Qyrǵyzstan jáne Reseı óndirisinen alynǵan kontrafaktilik ónimniń jalpy sany 17 myńnan astam qorabyn qurady. Anyqtalǵan faktiler boıynsha ákimshilik is qozǵalyp, sotta qaralatyn bolady, al alyp qoıylǵan temeki ónimderi tárkilenip, joıylady», - dep jazdy vedomstvodan.

Buǵan deıin departament qyzmetkerleri 3000-ǵa jýyq elektrondy temekini, quramynda nıkotın bar eritindilerdi, sondaı-aq kalıanǵa arnalǵan temekini zańsyz satý faktilerin anyqtaǵan bolatyn.