Qaraǵandyda «Qazaq balalar ádebıetiniń antologııasy» on tomdyǵy tanystyryldy

QARAǴANDY. QazAqparat – Abaı atyndaǵy Qaraǵandy oblystyq kitaphanasynda balalar kitabynyń dástúrli aptalyǵynda «Qazaq balalary ádebıetiniń antologııasy» on tomdyǵy tanystyryldy. Qurastyrýshy – Baıbota Qoshym-Noǵaı, dep habarlaıdy QazAqparat.

«Balalar kitaby aptalyǵy 1954 jyldan beri ótkizilip keledi. Apta aıasynda túrli is-sharalar ótkiziledi: kvestbýk, dóńgelek ústel otyrysy, kitaphana stıli kúni, trenıngter, sheberlik sabaqtar, bıblıoperfomans jáne taǵy basqasy. Ótken jyly «Qazaq balalar ádebıeti antologııasynyń» on tomy jaryq kórdi. Endi biz prezentatsııa uıymdastyrdyq. Oǵan Almatydan ontomdyqtyń qurastyrýshysy – belgili aqyn, Qazaqstan Jazýshylar odaǵynyń múshesi, «Alash» syılyǵynyń laýreaty Baıbota Qoshym-Noǵaıdy shaqyrdyq», – dedi Abaı atyndaǵy balalar kitaphanasy dırektorynyń orynbasary Qalqataı Qalıeva.

Tusaýkeserge Qaraǵandy oblysynyń kitaphanashylary men jas oqyrmandar keldi.

«Men antologııany qurastyrýdy 80-shi jyldary bastadym. Sol jyldary «Jalyn» baspasynda jumys istedim. Kópshilik qazaq tilinde balalar ádebıeti joq dep aıtty, men ol túsinikti teriske shyǵarýǵa bel býdym. Ybyraı Altynsarın, Júsipbek Aımaýytov, Ahmet Baıtursynov jáne basqalary balalarǵa arnap jazǵan. Muhtar Áýezov te óz shyǵarmalaryn balalarǵa arnady, biraq orys tilinde. Men aqyndar men jazýshylardy jınap, antologııa jasadym. Taralymy – 500 dana», – deıdi antologııa qurastyrýshysy Baıbota Qoshym-Noǵaı.

Balalar kitaby aptalyǵynyń jabylýynda búgin, 29 naýryzda «Oqyrman benefısi» ótti.