Qaraǵandyda ǵaryshtyq monıtorıng 400-den astam zańsyz qoqys úıindisin anyqtady

QARAǴANDY. QazAqparat – Qaraǵandy oblysynda qoqys tastaıtyn jerlerdi sanıtarlyq tazalaý jáne joıý jumystary jalǵasýda. Óńirde ǵaryshtyq monıtorıngtiń kómegimen bıyl qoqysty ruqsatsyz jınaýdyń 402 ýchaskesi anyqtaldy, dep habarlaıdy QazAqparat tilshisi.

Jerdi qashyqtan zondtaý jáne ruqsat etilmegen qoqys tastaıtyn jerlerdi ǵaryshtyq túsirý 2018 jyldan bastap júrgizilýde.

«Qazaqstan Ǵarysh Sapary» UK» AQ Qaraǵandy oblysy boıynsha derekterine sáıkes, óńirde 2021 jyldyń alǵashqy alty aıynda 402 ruqsat etilmegen qoqys úıindisi anyqtalǵan.

Onyń basym bóligi Qaraǵandy, Buqar jyraý, Osakarov jáne Qarqaraly aýdandarynda ornalasqan.

Jergilikti atqarýshy organdar 86 zańsyz qoqys ornyn joıdy.

Sondaı-aq, bıyl Ekologııa mınıstrliginiń jedel jelisine apatty polıgondarǵa qatysty 23 shaǵym tústi.

Onyń 17-si joıyldy, altaýynda áli de jumys jalǵasýda.

«Qaraǵandy oblysynda qoqys tastaıtyn jerlerdi tazartý aılyǵy ótip jatyr. Ruqsat etilmegen qoqys oryndaryn anyqtaý jáne joıý jumysy aıasynda 13 shilde kúni jolǵa shyqtyq. Qaldyqtardy belgilenbegen jerge tastaý faktileri anyqtalǵan joq. Sapar jergilikti polıtsııa qyzmeti ókilderiniń qatysýymen ótti. Aldaǵy ýaqytta bul baǵyttaǵy jumys jalǵasady», – dep atap ótti Qaraǵandy oblysynyń ekologııa departamenti.