Qaraǵandyda erekshe balalarǵa arnalǵan zamanaýı ońaltý ortalyǵy ashyldy

QARAǴANDY. QazAqparat – Qaraǵandy oblystyq balalar klınıkalyq aýrýhanasynda damýynda erekshelikteri bar 3 aıdan 3 jasqa deıingi balalarǵa arnalǵan ońaltý ortalyǵy ashyldy, dep habarlaıdy QazAqparat tilshisi.

Qazirgi ýaqytta ortalyqta júıke júıesiniń patologııasy bar naýqastar, eń aldymen, tserebraldy sal aýrýyna shaldyqqandar em ala alady. Oblysta mundaı balalar sany myńǵa jýyq.

Ortalyq bir ýaqytta 50 naýqasty qabyldaýǵa daıyn. Jylyna 600 bala medıtsınalyq kómek alady.

«Jańa ortalyqtyń quramyna táýlik boıy jáne kúndizgi ýaqytta ońaltý bólimshesi, sondaı-aq balalardy saýyqtyrýǵa arnalǵan»Qamqorlyq«ortalyǵy kiredi. Jabdyqtardyń barlyǵy zamanaýı – shýngıt jáne sensorlyq bólmeler, tuz shahtasy, ımmersııalyq vanna, ınteraktıvti ústel, ortopedııalyq ústelder men oryndyqtar, jaıaý júrýdi ımıtatsııalaıtyn pnevmo ultaraqtary bar etik, ıppoterapııa apparaty. Eki jattyǵý zalynda balalarmen jeke sabaqtar ótedi. Balalardy eńbekteýge, otyrýǵa jáne júrýge úıretedi», – dedi oblystyq balalar aýrýhanasy dırektorynyń medıtsınalyq bóliminiń orynbasary Nına Derkach.

Joǵary dárejeli reabılıtologtar, logopedter, psıhologtar, defektologtar, kásibı terapevter jáne jattyǵý terapııasy mamandary jaldandy.

Emdeý kýrsy orta eseppen 21 kúnge sozylady. Balalar MÁMS júıesi boıynsha tegin em alady.

Jyl sońynda ortalyqta 3 jastan 18 jasqa deıingi balalarǵa arnalǵan taǵy bir ońaltý bólimshesin ashý josparlanýda.