Qaraǵandyda eki jumysshy tseh shatyrynda 147 túp qarasora ósirgen
4 maýsym kúni Qaraǵandyda jedel-izdestirý sharasy barysynda Qaraǵandy oblystyq Polıtsııa departamenti Esirtki qylmysyna qarsy kúres basqarmasynyń qyzmetkerleri iri ónerkásiptik kásiporyndardyń biriniń aýmaǵynan 36 jáne 41 jastaǵy eki er adamdy ustady. Bul tulǵalar JShS tsehtarynyń biriniń shatyrynda zańsyz qarasora ósirgen. Jalpy alǵanda, polıtsııa qyzmetkerleri 147 túpti tárkiledi.
Ustalǵandardyń aıtýynsha, olar qarasorany ózderi paıdalaný úshin ekken. «Plantatsııa» úshin er adamdar tsehtyń tóbesin yńǵaılaǵan. Atalǵan fakti boıynsha QR QK 300-baby 2-bóligimen (Quramynda esirtki zattary bar, ósirýge tyıym salynǵan ósimdikterdi zańsyz egip-ósirý) qylmystyq is qozǵaldy. Tergeý amaldary júrgizilip jatyr. Kúdiktiler segiz jylǵa deıin bas bostandyǵynan aıyrylýy múmkin.