Qaraǵandyda eki jańa zaýyt salynady

QARAǴANDY. QazAqparat - Sheteldik seriktester Qaraǵandyda eki zaýyt salýdy josparlap otyr, dep habarlaıdy eKaraganda.

2018 jyldyń sońyna qaraı Qytaı ınvestorlary Qaraǵandyda «Forever Fourshing Co. Ltd» JShS kompanııasymen birlese otyryp metall balqytý  zaýytyn iske qosady. Investıtsııa kólemi 7,4 mlrd teńge.

Jylyna 300 myń tonna ónim daıyndaýdy josparlap otyrǵan zaýyt, shyǵarǵan óniminiń 80 paıyzyn Iran, QHR jáne Reseıge eksportqa shyǵarmaq.

Kábil ónimderin daıyndaıtyn ekinshi zaýyt 2021 jylǵa josparlanǵan, 2024 jyly ol óziniń tolyq jobalyq qýatyna engizilmek. «HÝA TÝN (ORTALYQ AZIıA) KABELЬ» JShS ınvestorlary úshin bul jobanyń quny 13,6 mlrd teńgege túsedi.

«Kábil ónimderin Qazaqstan shetelden, basym bóligin Reseıden alyp otyr»,-deıdi «Forever Fourshing Co. Ltd.» kompanııasy dırektorynyń orynbasary Asqar Orazbekov.

Aıta keterligi, eki zaýyt ta sheteldik ınvestorlardyń qarjysyna salynady.