Qaraǵandyda eki táýlik qubyr sýyn ishýge tyıym salyndy

QARAǴANDY. QazAqparat - Qubyrlarǵa dezınfektsııa jasalýyna baılanysty  qaraǵandylyqtarǵa 8-9 aqpan kúnderi qubyrdan keletin sýdy ishýge jáne as ázirleýge paıdalanýǵa tyıym salyndy, dep habarlaıdy «QazAqparat» HAA tilshisi.

«Bul Qaraǵandydaǵy alty aýdannyń  - Mıhaılovka, Ońtústik-Shyǵys, Maıqudyq, Sortırovka, Prıshahtınsk, Fedorovka jáne Aqtas kentiniń turǵyndaryna qatysty. Qoǵamdyq densaýlyq saqtaý basqarmasynyń málimetine sáıkes, profılaktıkalyq maqsatta Qazybek bı aýdanynda 8 aqpan kúni 17-00 den 9 aqpan 17-00-ge deıin sý qubyrlary jelilerine dezınfektsııa jasalady. Sý quramynda hlor dozasy kóbeıedi», - dep habarlaıdy «Qaraǵandy Sý» JShS-nyń baspasóz qyzmeti.

Kommýnaldyq mekemeler eki táýlikke jetetin aýyz sý qoryn saqtap qoıýǵa keńes beredi.

«Sýdy ishýge jáne tamaq ázirleýge tyıym salynady», - deıdi baspasóz qyzmeti.