Qaraǵandyda eki kólik muz ústinen ótý kezinde sýǵa batyp ketti

QARAǴANDY. QazAqparat - Qaraǵandy oblysynyń Buqar jyraý aýdanyndaǵy Ǵ. Mustafın kentinde Nura ózenindegi muz ústimen ótý kezinde 2 kólik sýǵa batyp ketti, dep habarlaıdy QazAqparat.

Tótenshe jaǵdaılar mınıstrliginiń málimetinshe, olardyń biri - «Gazel» (ishinde 3 adam boldy) jáne «Mersedes» jeńil avtokóligi (ishinde 6 adam, onyń ishinde 2 bala boldy). Júrgizýshiler men jolaýshylar kólikter ishinen ózdiginen shyqty. Zardap shekkender joq. Avtokólikter muz astynda qaldy, olardy joǵaryǵa kóterý jumystary jeke júrgiziletin bolady.

«Sý aıdyny ústimen júrý úlken qaýip tóndiretinin árqashan este ustaǵan jón. Óıtkeni, sý aǵyndary muzdy shaıyp, ony belgili bir aımaqta barynsha juqa ete alady. Eger jaqyn jerde bóget bolsa, sýdyń shyǵýy muzdyń qalyńdyǵyn álsiretedi; balyq aýlaý tesikterinen jaryqtar paıda bolýy múmkin», - dep jazdy vedomstvodan.

Eger jaqyn jerde ádettegi jol bolmasa, muzda myna erejelerdi saqtaı otyryp qozǵalý kerek:

1) jaǵalaý syzyǵyna barynsha jaqyn;

2) eger alda basqa kóliktiń izderi bolsa, onda onyń janynan júrýge bolady; onyń izimen júrýge bolmaıdy, óıtkeni muz eki kóliktiń ótýine tótep bere almaýy múmkin

3) qozǵalys kezinde shapshań burylýdan aýlaq bolý kerek;

4) jolǵa jalǵyz ol shyǵýǵa bolmaıdy.