Qaraǵandyda eki aıda zeınetkerlerdi aldaǵan 23 alaıaq ustaldy

ASTANA. QazAqparat – Qaraǵandylyq polıtseıler eki aıda zeınetkerlerdi aldaǵan 23 alaıaqty ustady. Bul týraly Іshki ister mınıstrligi baspasóz qyzmetiniń ókili Shuǵyla Turlybek aıtty, dep habarlaıdy QazAqparat tilshisi.

«Qalanyń belsendi uzaq ómir súrý ortalyǵynda 400-den astam zeınetkermen túrli alaıaqtyqtyń aldyn alý boıynsha kezdesý ótti. Egde jastaǵy adamdarǵa erteden málim alaıaqtyq túrleri burynǵydan da óse túskeni aıtyldy. Alaıaqtar kóbine úı telefondaryna habarlasyp, olardyń týystary apatqa kináli bolǵanyn, sol úshin jazaǵa tartylatynyn aıtady. Ony qylmystyq jaýapkershilikten bosatý úshin shuǵyl túrde qarajat suraıdy», - dedi Sh. Turlybek mınıstrliktiń baspasóz alańynda ótken brıfıngide.

Máselen, sáýir jáne mamyr aılarynda oblystyq polıtsııa departamenti osyndaı alaıaqtyqtyń 61 faktisin tirkedi, onyń 35-i ashyldy. Іzdestirý sharalarynyń arqasynda 23 adam ustalǵan.

Polıtsııanyń aıtýynsha, jábirlenýshiler negizinen qart adamdar bolyp otyr, mundaı kúmándi qońyraýlar bolǵanda dereý polıtsııaǵa habarlaý qajet.

«Zeınetkerlerge alaıaqtyqtyń basqa da túrleri týraly eskertildi, mysaly alaıaqtar azamattarǵa qońyraý shalyp, ózderin bank qyzmetkerleri retinde tanystyrady jáne túrli syltaýmen shottardan aqsha jymqyratyn»AnyDesk«,»TeamViewer«tyńshylyq qosymshalaryn ornatýǵa, sondaı-aq SMS-parolder, bank kartalarynyń CVV kodyn bilýge tyrysady», - dedi mınıstrlik ókili.