Qaraǵandyda eki avtobýs soqtyǵysyp, bir adam qaza boldy

QARAǴANDY. QazAqparat - Qaraǵandyda eki avtobýs soqtyǵysyp, qoǵamdyq kólik júrgizýshisi kóz jumdy, 15 adam aýrýhanaǵa jetkizildi, dep habarlaıdy QazAqparat tilshisi.

Búgin tańerteń Qaraǵandy qalasynyń DSK aýdanyndaǵy kópirde eki qoǵamdyq kólik soqtyǵysyp qaldy. Avtobýstardyń biriniń júrgizýshisi oqıǵa ornynda kóz jumdy.

«Jol - kólik oqıǵasy saldarynan № 41 avtobýs júrgizýshisi oqıǵa ornynda qaıtys boldy, 15 jolaýshy men №146 marshrýt júrgizýshisi medıtsına mekemesine jetkizildi. Oqıǵa bolǵan kezde № 41 avtobýs bos boldy», - dep málimdedi Qaraǵandy oblysynyń PD baspasóz qyzmeti.

Atalmysh fakt boıynsha qylmystyq is tirkelip, tıisti saraptamalar taǵaıyndaldy. Qazirgi ýaqytta bolǵan oqıǵanyń mán-jaıy anyqtalýda. Kólik apaty ornynda jedel-tergeý toby, TJD qyzmetkerleri jumys istep jatyr.

Avtobýs kondýktorlarynyń biri osyǵan deıin 112 qyzmetine habarlasyp, jolǵa qum sebý kerektigin aıtqany belgili boldy.

Qaraǵandy qalasy ákimdiginiń málimetinshe, joldarǵa qum sebý tańǵy altydan beri júzege asyrylyp jatyr.